Cilat janë shkaqet e përqindjes së lartë të limfociteve (LYM%)?
Pyetje
Përshëndetje,
Jam një vajzë 21 vjeçe dhe kam bërë analizat e gjakut. Më ka dalë LYM i lartë. Ndiej dhimbje të muskujve, ndihem e pafuqishme, ndonjëherë i kam krahët si të mpirë dhe kam dhimbje qafe. Nga se mund të vijnë këto shqetësime? A është LYM i lartë një problem serioz? Në Google më dalin gjëra shumë shqetësuese.
Kam edhe një infeksion urinar dhe kam marrë gati dy kura me antibiotikë, por infeksioni nuk më ka kaluar. A mund të më thoni nga se mund të vijë?
Faleminderit!
Përgjigje ( 1 )
PËRDITËSIM EDITORIAL 2026 (24 tetor) — SI TË KUPTOJMË LYM% TË LARTË
Kjo pyetje daton nga viti 2019. Për lexuesit me rezultate të ngjashme: një përqindje e lartë e limfociteve (LYM%) nuk është vetvetiu diagnozë. Përqindja mund të rritet edhe kur numri absolut është normal. Nuk mund të thuhet me siguri se ndryshimi ka ardhur nga infeksioni urinar vetëm mbi bazën e këtyre të dhënave.
Çfarë tregojnë analizat? Për interpretim nevojiten LYM%, LYM# (ALC), WBC, NEU% dhe NEU#, hemoglobina dhe trombocitet, me njësitë dhe intervalet referencë të laboratorit. Në varësi të rezultateve dhe simptomave, mjeku mund të rekomandojë përsëritjen e hemogramës pas shërimit; ndryshimet e vazhdueshme ose të theksuara kërkojnë vlerësim shtesë. Temperaturë e zgjatur, djersitje të forta natën, humbje peshe e pashpjeguar ose gjëndra të zmadhuara kërkojnë konsultë mjekësore.
Lodhja, dhimbja e qafës dhe mpirja e krahëve nuk duhen shpjeguar automatikisht nga LYM%. Ato duhen vlerësuar sipas kohëzgjatjes dhe ekzaminimit fizik. Mpirja ose dobësia e papritur e një ane të trupit, sidomos me çrregullim të të folurit, është urgjencë.
Infeksioni urinar që nuk kalon pas antibiotikëve: Nëse simptomat vazhdojnë ose rikthehen, kërkohet rivlerësim nga mjeku; analiza e urinës, urokultura dhe antibiograma mund të ndihmojnë në zgjedhjen e trajtimit. Mos filloni antibiotik tjetër pa vlerësim. Temperatura me dhimbje anësore të shpinës, të vjella ose gjendje të rënduar kërkojnë ndihmë të shpejtë.
Lexoni artikujt përkatës në PyetMjekun:
Na nevojitet edhe ky informacion: Cilat janë vlerat e sakta LYM%, LYM#, WBC dhe neutrofileve? Prej kur vazhdojnë lodhja dhe mpirja, në njërin apo në të dy krahët? A ka temperaturë apo gjëndra të zmadhuara? Cilat simptoma urinare vazhdojnë, cilët antibiotikë janë përdorur dhe a ka rezultat urokulture?
Për raste aktuale mund të bëni një pyetje të re, duke shkruar rezultatet e anonimizuara (pa emër, numër personal apo dokumente me të dhëna identifikuese). Ky është informacion edukativ, jo diagnozë ose recetë individuale. Rekomandimet e vjetra për magnez dhe multivitamina nuk duhen ndjekur automatikisht si trajtim për LYM% të lartë.
PËRGJIGJJA ORIGJINALE E VITIT 2019 — ARKIV
Teksti më poshtë ruhet për transparencë historike; sqarimi i përditësuar më lart ka përparësi për informacionin mjekësor.
Pershendetje,
Me sa pashe pergjigjen e analizave te gjakut, ne pergjithsi jane normale, dhe ERS eshte normal, por Limfocitet jane pak te rritura. Kjo rritje eshte si pasoje e infeksionit urinar te kaluar per te cilin keni marre mjekim.
Megjithate mund ta perserisni analizen e gjakut pas 1 muaji per te pare ndryshimet dhe per te vleresuar lymfocitet.
Pafuqia dhe dhimbjet e qafes duken si muskulore te palidhura me ndonje patologji. Ndoshta postura e keqe kur perdorni kompjuter apo celulare, apo dhe ndonje stres qe mund te kaloni.
Mjafton te merrni Magnesium Direct 300 mg 1 bustine ne dite per 1 jave e do shikoni permiresim.
Pastaj per kete lodhjen qe keni mund t’ju rekomandoj te hani shendetshem, te gjitha vaktet, mos i lini ndoshta edhe per te mbajtur diete se do kete pasoja jo te mira.
Nje multivitamin shtese te tipit Bierhefe 2x 1 tb ne dite mund t’ju ndihmoje.
Shpresoj t’ju jem pergjigjur pyetjes suaj. Me shkruani serish nese do keni ndonje pyetje tjeter.
Gjithe te mirat.